نوشہرہ سے مردان اور صوابی کے 4 افراد کی بوری بند لاشیں برآمد

مقتولین کے جسم پر تشدد کا کوئی نشان موجود نہیں۔ فوٹو: فائل

---

رسالپور کے علاقے برہ بانڈہ سے مردان اور صوابی سے تعلق رکھنے والے 4 افراد کی بوری بند لاشیں ملی ہیں ۔

ایکسپریس نیوز کے مطابق نوشہرہ میں رسالپور کے علاقے برہ بانڈہ کے قریب سوکئی روڈ پر 4 افراد کی بوری بند لاشیں ملی ہیں جن کی عمریں 20 سے 30 برس کے درمیان ہیں۔ چاروں لاشوں کی شناخت اصغرعلی، نوررحمان، ارشاد علی اور مشتاق علی کے نام سے ہوئی ہے۔

پولیس کا کہنا ہے کہ اصغرعلی، نور رحمان اور ارشادعلی کا تعلق مردان جبکہ مشتاق علی کا تعلق صوابی سے ہے۔ ڈسٹرکٹ ہیڈ کوارٹر اسپتال نوشہرہ میں چاروں لاشوں کا پوسٹ مارٹم مکمل ہوگیا ہے ۔ ابتدائی رپورٹ کے مطابق مقتولین کے جسم پر تشدد کا کوئی نشان موجود نہیں تاہم ان کی موت کی وجہ حتمی رپورٹ سے ہی معلوم ہوسکے گی ۔