پنجاب رینجرز نے واہگہ بارڈر پر اسمگلنگ کی کوشش ناکام بنا دی

زخمی شخص بھارت کی جانب سے پاکستانی حدود میں اسمگلنگ کی کوشش کررہا تھا،ترجمان رینجرز۔ فوٹو؛فائل

---

پنجاب رینجرز نے واہگہ بارڈر پر اسمگلنگ کی کوشش ناکام بنا دی۔

ایکسپریس نیوز کے مطابق واہگہ بارڈر پر رینجرز کی فائرنگ سے ایک شخص زخمی ہوگیا جوبھارت کی جانب سے پاکستانی حدود میں اسمگلنگ کی کوشش کررہا تھا۔ ترجمان رینجرز کے مطابق اہلکاروں کی فائرنگ سے زخمی ہونے والا شخص بھارت کی طرف سے پاک سرحد عبور کرنے کی کوشش کر رہا تھا جبکہ ملزم کے قبضے سے شراب، پاکستانی کرنسی اور موبائل فون کی سمز برآمد کی گئی ہے۔

واضح رہے کہ سانحہ واہگہ بارڈر کے بعد پنجاب رینجرز نے واہگہ کی سیکیورٹی سخت کرتے ہوئے علاقے کا گشت بڑھا دیا ہے جبکہ قریبی بستیوں میں ہی سرچ آپریشن کیا جارہا ہے۔