کراچی اسٹاک ایکسچینج میں ریکارڈ تیزی 100 انڈیکس پہلی بار 32 ہزار پوائنٹس کی حد عبور کرگیا

ملکی اور غیر ملکی سرمایہ کاروں کی جانب سے اسٹاک ایکسچینج میں خریداری کا رجحان ہے۔ فوٹو: آن لائن

---

اسٹاک ایکسچینج میں تیزی کا سلسلہ جاری ہے اور کے ایس ای ہنڈریڈ انڈیکس ملکی تاریخ میں ملکی مرتبہ 32 ہزار کی نفسیاتی حد عبور کرگیا ہے۔

کراچی اسٹاک ایکسچینج میں کاروباری سرگرمیاں عروج پر ہیں اور ہر نئے روز نئی تاریخ رقم ہورہی ہے، منگل کے روز کاروباری سرگرمیوں کے آغاز کے وقت ہنڈریڈ انڈیکس 31 ہزار 702 پوائنٹس پر موجود تھا تاہم ملکی اور غیر ملکی سرمایہ کاروں کی جانب سے خریداری کے رجحان نے تیزی کے تسلسل کو برقرار رکھا اور ایک وقت میں ہنڈریڈ انڈیکس 309 پوانٹس اضافے کے ساتھ 32 ہزار 19 کی تاریخی سطح پر دیکھا گیا جو ملکی تاریخ کی بلند ترین سطح ہے۔

دوسری جانب کے ایس ای تھرٹی انڈیکس اور آل شیئر انڈیکس بالترتیب 21 ہزار اور 23 ہزار 400 کی حد بھی عبور کرگئے ہیں۔