میٹھادر تھانے کے سامنے دکان پر دستی بم حملے میں 2 پولیس اہلکاروں سمیت 15 افراد زخمی ہوگئے۔

ایکسپریس نیوز کے مطابق 2 نامعلوم موٹر سائیکل سوار ملزمان نے میٹھادر تھانے کے سامنے دکان پر دستی بم پھینکا جس کے پھٹنے سے 2 پولیس اہلکاروں سمیت 15 افراد زخمی ہوگئے، دھماکے کے بعد پولیس کی بھاری نفری نے جائے وقوعہ کو گھیرے میں لے لیا جب کہ ریسکیو ٹیموں نے زخمیوں کو سول اسپتال منتقل کردیا جہاں اسپتال ذرائع کا کہنا ہے کہ زخمیوں میں سے 3 کی حالت تشویشناک ہے۔