کراچی تھانے کے قریب دستی بم حملہ25افراد زخمی فائرنگ سے سیاسی کارکن پولیس اہلکار جاں بحق

ایم اے جناح روڈسے ملحقہ مصروف ترین شاہراہ پردستی بم حملے کے بعد ٹریفک جام،پولیس اہلکاروں سمیت متعدد زخمی سڑک پرتڑپتے رہے فوٹو: فائل

---

GILGIT: کراچی میں دستی بم حملے اورفائرنگ کے واقعات میں متحدہ قومی موومنٹ کاکارکن اور ایک پولیس اہلکارہلاک ہوگیاجبکہ دو اہلکاروں سمیت سمیت متعددافرادزخمی ہوگئے،شہرمیں بدامنی کے بڑھتے ہوئے واقعات نے آئی جی سندھ پولیس کے دعوؤں کی قلعی کھول دی ہے۔

تفصیلات کے مطابق کورنگی ساڑھے3نمبرچٹائی گراؤنڈ کے قریب موٹرسائیکل سوار ملزمان کی فائرنگ سے28سالہ آصف گجرہلاک ہوگیا،مقتول کورنگی تاج مصطفی کالونی کا رہائشی اور متحدہ قومی موومنٹ کے ایم اوسی کا کارکن تھا،مقتول علاقے میں واقع پہلوان بیکری سے بسکٹ وغیرہ لے کر علاقے کر دیگر بیکریوں میں سپلائی کا کام کرتاتھا،مقتول اپنے گھر سے نکلا تھا کہ گھات لگائے کھڑے ملزمان نے فائرنگ کردی۔اورنگی ٹاؤن بدرچوک مومن آبادتھانے کے سامنے پرچون کی دکان پرموٹرسائیکل سوارملزمان کی فائرنگ سے ہیڈ کانسٹیبل40سالہ ادیب عباسی ہلاک ہوگیا،مقتول مومن آبادتھانے میں تعینات تھا۔

ایک سال قبل ادیب عباسی کے بھائی پولیس کانسٹیبل ندیم عباسی کومنگھوپیرکے علاقے میں قتل کیاگیاتھا۔ابراہیم حیدری میں نامعلوم افرادکی فائرنگ سے45سالہ بولان خان زخمی ہوگیا۔آئی جی سندھ غلام حیدر جمالی کی زیرصدارت روزانہ کی بنیاد پرامن و امان کے حوالے سے منعقدہ اجلاسوں اوران میں کیے جانے والے تمام تر اقدامات اور دعوؤں کے باوجودشہرمیں بدستوردہشت گردوں کاراج ہے اوروہ جب اور جہاں چاہیں اپنے ہدف کونشانہ بنا کر فرار ہوجاتے ہیں ۔

منگل کی سہ پہرمیٹھادر تھانے کے بالکل سامنے چندقدموں کے فاصلے پر انتہائی مصروف اور رش والی شاہراہ ایم اے جناح روڈسے ملحقہ تالپورروڈبمبے لائف بلڈنگ( نیو روبی سینٹر )کے نیچے کھڑے ہوئے جوس کے ٹھیلے پرموٹرسائیکل پرسوار 2 ملزمان دستی بم پھینک کر فرار ہوگئے جو زور دار دھماکے سے پھٹ گیا،جس کے نتیجے میں ٹھیلے اورقریب سے گزرنے والے متعددافرادزخمی ہوگئے دھماکا اتنا زور دارتھا کہ اس کی آواز دورتک سنائی دی گئی جبکہ میٹھادر اور کھارادر تھانوں میں موجودافسران و اہلکاروں میں افراتفری پھیل گئی اور وہ خوفزدہ ہو کر تھانے کی عمارتوں سے باہر نکل آئے۔دستی بم حملے میں زخمی ہونے والے کئی افرادتڑپتے رہے ،اس دوران ایم اے جناح روڈ اور تالپور روڈ پر ٹریفک جام ہوگیا جس کے باعث ایمبولینسوں کو جائے وقوع پرپہنچنے میں شدید مشکلات کاسامنا کرنا پڑا۔

پولیس اور رینجرز کی بھاری نفری نے موقع پر پہنچ کر علاقے کوگھیرے میں لے کر غیر متعلقہ افراد کوہٹانے کے لیے لاٹھی چارج کیا۔عینی شاہدین کاکہناہے کہ یہ پولیس کی نااہلی ہے کہ تھانے کے عین سامنے چندقدموں کے فاصلے پر اتنی رش والی شاہراہ پرموٹر سائیکل سوار ملزمان دستی بم سے حملہ کرکے فرار ہوگئے،دستی بم حملے میں زخمی ہونے والوں میں سب انسپکٹر 50 سالہ اشفاق احمد،کانسٹیبل 40 سالہ اسلم حیات ، 10 سالہ عامر ، 16 سالہ دانش ، 50 سالہ محمد علی ، 35 سالہ نجیب حسین ، 22 سالہ محمد انس ، 50 سالہ محمد صدیق ، 30 سالہ محمد نوید ، 25 سالہ محمد جاوید ، 18 سالہ مرتضیٰ ، 50 سالہ محمد حنیف ، 20 سالہ ریحان عزیز ، 22 سالہ سید قیصر عباس ، 28 سالہ محمد نعیم ، 48 سالہ عبدالوحید ، 55 سالہ توحید عالم ، 60 سالہ رئیس احمد ، 34 سالہ علیم خان ، 20 سالہ کاشف ، 55 سالہ محمد صدیق سائیں ،

30 سالہ سرتاج حسین ، 28 سالہ شکیل ابراہیم اور 40 سالہ عبدالمجید شامل ہیں جبکہ دھماکے میں جوس کے ٹھیلے کامالک مسلم خان انگلیوں پر چوٹ لگنے سے معمولی زخمی ہوا جس کی مدعیت میں پولیس نے نامعلوم ملزمان کیخلاف مقدمہ نمبر 259/14 بجرم دفعات 3/4 ایکسپلوزیو ایکٹ ، 324/34 اور انسداد دہشت گردی ایکٹ 7-ATA کے تحت درج کرلیا۔ایس ایچ او میٹھادر چوہدری ارشاد کا کہنا تھا کہ واقعہ خوف و ہراس پھیلانے کے لیے کیا گیاہے۔رات گئے ملنے والی اطلاعات کے مطابق نامعلوم ملزمان کی فائرنگ سے قیوم آباد چورنگی پر 20 سالہ ایلون جون، 30 سالہ ریاض جبکہ قذافی ٹاؤن ریڈیو پاکستان کالونی میں فائرنگ سے 16 سالہ جاوید زخمی ہوگیا۔