کراچی میں رینجرز اور پولیس کی کارروائی ٹارگٹ کلر سمیت 9 ملزمان گرفتار

رینجرز اورپولیس نے یونیورسٹی روڈ اورمچھر کالونی میں کارروائی کرکے ملزمان کو گرفتارکیا فوٹو: فائل

---

رینجرز اور پولیس نے شہر کے مختلف علاقوں میں کارروائی کرکے ٹارگٹ کلر سمیت 9 ملزمان کو گرفتار کرلیا۔

ایکسپریس نیوز کے مطابق رینجرز نےکراچی کے علاقے یونیورسٹی روڈ پر کارروائی کرکے 8 ملزمان کو گرفتار کرلیا جب کہ ان کے قبضے سے اسلحہ اور دیگر سامان بھی برآمد کیا گیا، دوسری جانب پولیس نے مچھر کالونی میں کارروائی کرکے ٹارگٹ کلنگ میں ملوث ملزم کو گرفتار کرلیا، پولیس کے مطابق ملزم قتل کی کئی وارداتوں میں ملوث ہے جب کہ اس کے قبضے سے اسلحہ بھی برآمد ہوا۔