KARACHI: جنوبی افریقی بیٹسمین ہاشم آملا نے تیز رفتاری سے 17 ون ڈے سنچریوں کا ویرات کوہلی کا ریکارڈ توڑ دیا۔

انھوں نے آسٹریلیا کے خلاف تیسرے میچ میں تھری فیگر اننگز سجائی تھی۔ آملا نے 17 ویں سنچری 98 ویں اننگز میں بنائی جبکہ ویرات کوہلی نے 14 زیادہ اننگز کھیلی تھیں۔ اس سے قبل 31 سالہ آملا نے زمبابوے کے خلاف میچ میں تیز رفتاری سے 15 سنچریاں مکمل کرنے کا اعزاز کوہلی سے چھینا تھا۔ انھیں ایک روزہ انٹرنیشنل میچز میں 5 ہزار رنز مکمل کرنے کیلیے مزید 90 رنز درکار ہیں۔