مارننگ شو ’’ ست رنگی‘‘ کا دلوں پر راج کرنے کا سفر رواں دواں

معروف اداکارہ بشریٰ انصاری نے مزے مزے کی باتیں کیں جس سےشو مزید رنگین ہوگیا۔ فوٹو : ایکسپریس

---

ایکسپریس انٹرٹینمنٹ کی جانب سے ''ست رنگی'' شو کا قافلہ کامیابی کی منازل تیزی سے طے کررہاہے ۔

گزشتہ شو میں شو کی میزبان جویریہ سعود نے پرانے مشہور آسٹرالوجر عظیم جعفری کو مدعو کیا جنھوں نے شادی کے موضوع پر لوگوں کے جوابات ستاروں کے حوالے سے دیے۔ شو کا مزہ مزید دوبالا زیادہ اس وقت ہوگیا جب پاکستان کی معروف اداکارہ بشریٰ انصاری نے مزے مزے کی باتیں کیں۔

شو میں ''آنگن ٹیڑھا'' کی سلطانہ باجی(اداکارہ دردانہ بٹ) نے بھی کال کی اور اپنے ڈرامے ''آنگن ٹیڑھا'' کی یادیں تازہ کیں۔ گزشتہ شو میں بھی ناظرین کے لیے انعامات کا سلسلہ جاری رہا اور اسی سلسلے کو آج کے شو ''ست رنگی'' میں بھی جاری رکھا جائے گا اور ''ست رنگی'' کے سیگمنٹ ''ایکسپریس آگیا''میں ہوسٹ ''شارق'' گھر گھر جاکر گفٹس دیں گے۔