فواد اب سیف اور جیکولین کے مقابل پولیس والا بنیں گے

فلم میں فواد خان سیف علی اور جیکولین کے مقابل پولیس کا ایک اہم رول کرینگے۔ فوٹو : فائل

---

بھارتی ہدایتکار سوجے گھوش نے فلم ''خوبصورت'' کے ذریعے بالی ووڈ انڈسٹری میں انٹری دینے والے پاکستانی اداکار وماڈل فواد خان کو اپنی نئی فلم میں کاسٹ کرنے کا ارادہ ظاہر کردیا۔

سوجے گھوش کا کہنا ہے کہ ''خوبصورت'' میں فواد خان کی پرفارمنس دیکھنے کے بعد ہی اپنی کسی فلم میں لینے کا فیصلہ کرلیا تھا۔ انھوں نے کہا کہ اس فلم میں وہ سیف علی اور جیکولین کے مقابل پولیس کا ایک اہم رول کرینگے۔ سوجے گھوش نے کہا کہ فلم جسکا ابھی نام بھی نہیں رکھا گیا۔

اس کا باقاعدہ اعلان تمام معاملات طے ہونے پر پریس کانفرنس کے ذریعے کیا جائے گا۔ یاد رہے کہ سوجے گھوش نے بطور رائٹر ڈائریکٹر ''جھنکار بیٹس'' سے کیا' اس کے بعد '' کہانی ''، ''ہوم ڈلیوری '' جیسی فلمیں بنائیں سال رواں میں بطور رائٹر ''بینگ بینگ'' جب کہ ایک فلم ''درگا رانی سنگھ '' کے پروجیکٹ پر کام کر رہے ہیں۔