کراچی میں شدت پسند تنظیم داعش کا وجود نہیں آئی جی سندھ کا دعویٰ

گناہ گار چاہے کسی بھی صف میں کھڑا ہو اسے قانون کے مطابق سزا ملے گی، آئی جی سندھ ، فوٹو:فائل

---

KARACHI: آئی جی سندھ غلام حیدر جمالی کا کہنا ہےکہ کراچی کے حالات تسلی بخش ہے جب کہ شہر میں شدت پسند تنظیم داعش کا بھی کوئی وجود نہیں۔

ایکسپریس نیوز کےمطابق آئی جی سندھ غلام حیدر جمالی نے کہا کہ کراچی کے حالات تسلی بخش ہیں، شہر میں امن کی بہتری کے لیے پولیس اہلکار قربانیاں دے رہے ہیں، گناہ گار چاہے کسی بھی صف میں کھڑا ہو اسے قانون کے مطابق سزا ملے گی۔ انہوں نے کہا کہ کراچی میں شدت پسند تنظیم داعش کا کوئی وجود نہیں کچھ کالعدم جماعتیں شہر میں داعش کے نام پر وال چاکنگ کررہی ہیں تاہم شہر میں اگر اس تنظیم کا کوئی وجود سامنے آیا تو بھرپور کارروائی کریں گے۔