شمائل گارڈن میں کھدائی کے دوران کیبل کٹنے سے بجلی کی فراہمی معطل

شمائل گارڈن کے مکین زیر زمین کیبل کٹنے کی وجہ سے بجلی سے محروم ہوگئے. فوٹو: فائل

---

شمائل گارڈن کے مکین زیر زمین کیبل کٹنے کی وجہ سے بجلی سے محروم ہوگئے اور مکینوں کو گرم موسم میں شدید مشکلات کا سامنا ہے۔

تفصیلات کے مطابق گلستان جوہر بلاک19میں واقع شمائل گارڈن کے احاطے میں کھدائی کے دوران زیر زمین کیبل کٹ گئے جس کی وجہ سے شمائل گارڈن کے بیشتر فلیٹوںکے مکین بجلی سے محروم ہوگئے، مکینوں نے کے ای ایس سی کے شکایتی مرکزپر شکایت درج کرادی تھی لیکن اس کے باوجود رات گئے تک کیبل کی مرمت کا کام شروع نہیں ہوسکا اور شمائل گارڈن کی بجلی بحال نہ ہوسکی، مکینوں نے کے ای ایس سی حکام سے مطالبہ کیا ہے کہ شمائیل گارڈن میں کیبل کی مرمت کا کام جلد شروع کیا جائے۔