عامر ودیگر کوملکی نمائندگی کا موقع دینا خطرے سے خالی نہیں ہوگااحسان مانی

سابق کپتان رمیز راجہ کے موقف کی تائید کرتا ہوں کہ سزایافتہ پلیئرز کے آنے سے ڈریسنگ روم کا ماحول متاثر ہو گا، سابق صدر آئی سی سی۔ فوٹو: فائل

---

انٹرنیشنل کرکٹ کونسل کے سابق صدر احسان مانی نے پی سی بی کو اسپاٹ فکسنگ میں سزا یافتہ کھلاڑیوں کے بارے میں محتاط رویہ اپنانے کا مشورہ دیا ہے۔

انھوں نے کہا کہ محمد عامر و دیگر کو کلیئرنس کے فوری بعد ملک کی نمائندگی کا موقع دینا خطرے سے خالی نہیں ہوگا۔ میڈیا سے بات چیت میں انھوں نے کہا کہ سزا یافتہ کھلاڑیوں کی انٹرنیشنل کرکٹ میں واپسی اتنی آسان نہیں جتنا بورڈ خیال کر رہا ہے، ان پر مزید نظر رکھنے کی ضرورت ہے، میں سابق کپتان رمیز راجہ کے موقف کی تائید کرتا ہوں کہ سزایافتہ پلیئرز کے آنے سے ڈریسنگ روم کا ماحول متاثر ہو گا۔