اوپیک ممالک کا تیل کی پیداوار میں کمی نہ کرنے کا فیصلہ

اوپیک نے تیل کی پیداوار میں کمی نہ کرنے کا فیصلہ کیا ہے جس کے بعد عالمی منڈی میں خام تیل کی قیمت میں مزید کمی کا امکان ہے۔


ویانا میں اوپیک ممالک کا تیل کی پیداوار سے متعلق ہونے والے اجلاس کے بعد میڈیا کے نمائندوں سے بات کرتے ہوئے کویت کے وزیر پیٹرولیم نے بتایا کہ اجلاس میں فیصلہ کیا گیا کہ رکن ممالک تیل کی پیداوار میں کمی نہیں کریں گے اور اس کی مجموعی پیداوار 3 کروڑ بیرلز یومیہ پر برقرار رکھی جائے گی۔

واضح رہے کہ اوپیک ممالک کی جانب سے تیل کی پیداوار بڑھانے کے باعث خام تیل کی عالمی قیمتیں پہلے ہی 4 سال کی کم ترین سطح پر آگئی ہیں اور اب اوپیک ممالک کے فیصلے کے بعد اس میں مزید کمی کا امکان ہے جب کہ ماہرین کا کہنا ہے کہ اس کی قیمت 60 ڈالر فی بیرل تک گرنے کا امکا ن ہے۔