سوناکشی سنہا ارجن کپور کے ساتھ تعلقات کی خبروں پر پھٹ پڑیں

میرے اورارجن کپورکے درمیان تعلقات افواہ کے سوا اور کچھ نہیں، سوناکشی سنہا فوٹو:فائل

---

PESHAWAR: بالی ووڈ کی دبنگ اداکارہ سوناکشی سنہا ارجن کپور کے ساتھ اپنے معاشقے کی افواہوں پر پھٹ پڑیں۔

بھارتی میڈیا میں آج کل دبنگ گرل سوناکشی اور ان کی نئی فلم "تیور" کے ہیرو ارجن کپور کے معاشقے اور چوری چھپے ملاقاتوں کی خبریں گرم ہیں جس پر ادکارہ کا کہنا ہے کہ اگر کوئی کسی کے ساتھ فلم میں کام کرے اور ایک ساتھ فلم دیکھنے سینما چلا جائے تو اس کا یہ مطلب ہرگز نہیں ہے کہ دونوں کے درمیان کوئی تعلق قائم ہوچکا ہے۔ انہوں نے کہاکہ میں ان خبروں پر کوئی بات نہیں کرنا چاہتی اور اگر کسی کو اس کا جواب چاہئے تو وہ ان سے جا کر پوچھے جو اس حوالے سے خبریں بنا رہے ہیں۔

سوناکشی سنہا اور ارجن کپور آج کل فلم تیور کی شوٹنگ میں مصروف ہیں جب کہ بھارتی میڈیا میں ان دونوں کے درمیان محبت کی خبرین بھی گرم ہیں۔ امیت شرما کی ہدایت کاری میں بننے والی ایکشن اور رومانس سے بھرپور فلم آئندہ سال جنوری میں سینما گھروں کی زینت بنے گی۔