نواز شریف متاثرین کے زخموں پر نمک چھڑک رہے ہیں شرجیل

لیگی رہنما قوم پرستوں کے ساتھ مل کر سندھ کے چیمپئن بننے کی کوشش کررہے ہیں۔ فوٹو: فائل

---

SUKKUR: صوبائی وزیر اطلاعات شرجیل انعام میمن نے کہا ہے کہ نواز شریف سندھ کے متاثرہ افراد کی مدد کرنے کے بجائے ان کے زخموں پر نمک چھڑک رہے ہیں۔

اتوار کو جاری کردہ بیان میں انھوں نے کہا کہ نواز شریف5 ٹرک لے کر سندھ کے متاثرہ علاقوں میں امداد کے نام پر ڈرامہ کر رہے ہیں، وزیر اطلاعات شرجیل انعام میمن نے کہا کہ نواز شریف کو سندھ کے عوام سے کوئی ہمدردی نہیں ہے' وہ صرف سندھ میں فوٹو سیشن کروا کر سندھ کے عوام کی ہمدردی حاصل کرنے کی ناکام کوشش کر رہے ہیں، انھوں نے کہا کہ نواز شریف پہلے پنجاب کے عوام کی حالت زار پر توجہ دیں۔

شرجیل میمن نے کہا کہ سندھ کی عوام انھیں جان چکی ہے اور اسی وجہ سے سندھ سے نواز شریف کو گزشتہ الیکشن میں ایک بھی سیٹ نہیں ملی اور آئندہ الیکشن میں بھی ان کو ایک سیٹ بھی نہیں ملے گی، صوبائی وزیر اطلاعات نے کہا کہ نواز شریف سندھ کے قوم پرستوں کے ساتھ مل کر سندھ کے حقوق کے چیمپئن بننے کی کوشش کر رہے ہیں۔