طاقت کے ذریعے اپنا ایجنڈا نافذ کرنے کی کسی کو اجازت نہیں دیں گے آصف زرداری

جمہوریت کے نام پر جمہوریت کو دی جانے والی دھمکیوں پر شدید تشویش ہے، آصف زرداری فوٹو: فائل

---

پاکستان پیپلزپارٹی کے شریک چیرمین اور سابق صدر آصف زرداری کا کہنا ہے کہ جمہوریت ہی ہماری سیاست ہے اور ملک میں سیاسی تبدیلی صرف ووٹ کی طاقت سے ہی آسکتی ہے۔

پاکستان پیپلزپارٹی کے 48 ویں یوم تاسیس کے موقع پر اپنے خصوصی پیغام میں آصف زرداری کا کہنا تھا کہ پیپلزپارٹی عوام کی امید ہے اور انسانی قدروں کے لیے کام کرتی ہے، اقتدار کے مالک پاکستانی عوام ہے اور ہم عزم کرتے ہیں کہ عوام کی طاقت ان کو لوٹائیں گے۔ انہوں نے کہا کہ جمہوریت کے نام پر جمہوریت کو دی جانے والی دھمکیوں پر شدید تشویش ہے، طاقت کے ذریعے اپنا ایجنڈا نافذ کرنے کی کسی کو اجازت نہیں دیں گے، جمہوریت ہی ہماری سیاست ہے جب کہ ملک میں سیاسی تبدیلی صرف ووٹ کی طاقت سے آسکتی ہے۔