عمران خان کو اقتدار کی ہوس نے اندھا کردیا ہے شرجیل میمن

عمران خان عوام کو بے وقوف بنانے کی کوشش کررہے ہیں، عمران خان۔ فوٹو: فائل

---

وزیر اطلاعت سندھ شرجیل میمن کا کہنا ہے کہ عمران خان کو اقتدار کی ہوس نے اندھا کردیا ہے اور وہ عوام کو بے وقوف بنانے کی کوشش کررہے ہیں۔

ایکسپریس نیوز کے مطابق وزیر اطلاعت سندھ شرجیل میمن نے کہا کہ عمران خان کے تمام الزامات جھوٹ کا پلندا ہیں اور ان کی مثال سوچوہے کھاکر حج کو جانے والی بلی جیسی ہے، عمران کو اقتدار کی ہوس نے اندھا کردیا ہے لہذا وہ عوام کو بے وقوف بنانے کی کوشش کررہے ہیں۔ ان کا کہنا تھا کہ عمران خان جلسے جلوسوں میں بازاری زبان استعمال کررہے ہیں اور بالخصوص پیپلز پارٹی کے خلاف بے ہودہ گفتگو بند کریں۔

شرجیل میمن کا کہنا تھا کہ پیپلزپارٹی نےحکومت گرانےاورجمہوریت کوڈی ریل کرنےمیں عمران خان کاساتھ نہیں دیا اسی وجہ سے اب وہ پیپلزپارٹی کو نشانہ بنا رہے ہیں۔