احسن خان کے دل میں بھی بالی ووڈ میں کام کرنے کی خواہش مچلنے لگی

احسن خان نے اپنے فنی كیریئر كا آغاز فلم سے ہی كیا تھا مگر انہیں خاطر خواہ كامیابی نہ مل سكی جس پر انہوں نے ٹی وی انڈسٹری كا رخ كیا۔ فوٹو: فائل

---

کئی پاکستانی اداکاروں کی بھارتی فلموں میں کامیابی کے بعد معروف ٹی وی اداكار و ماڈل احسن خان نے بھی بالی ووڈ انڈسٹری میں قسمت آزمائی كا فیصلہ كرلیا ہے۔

پاكستانی ٹی وی اداكار وماڈل عمران عباس، فواد خان اورعلی ظفر كی بھارتی فلم انڈسٹری میں پذیرائی كو دیكھتے ہوئے احسن خان کے دل میں بھی بالی ووڈ میں کام کرنے کی خواہش مچلنے لگی ہے اور وہ اب پاکستانی فلموں کے بجائے بالی ووڈ فلم میں كام كرنے كی خواہش رکھتے ہیں جس کے لئے انہوں نے رابطوں کا سلسلہ بھی شروع کردیا ہے۔

واضح رہے کہ احسن خان نے اپنے فنی كیریئر كا آغاز فلم سے ہی كیا تھا مگر انہیں خاطر خواہ كامیابی نہ مل سكی جس پر انہوں نے ٹی وی انڈسٹری كا رخ كیا جہاں انہیں شہرت اور كامیابی حاصل ہوئی جس كے بعد انہوں نے فلم انڈسٹری كا رخ ہی نہیں كيا تاہم كچھ عرصہ قبل ہدايت كار شہزار فيق اپنی فلم ''عشق خدا'' كے ذريعے احسن خان کو واپس لائے لیکن يہ فلم بھی باكس آفس پر رنگ نہ جماسكی۔