لاہور:
پولیس نے 12 افراد کے قتل میں ملوث ٹارگٹ کلر کو گرفتار کرنے کا دعویٰ کیا ہے۔
ایس ایس پی انویسٹی گیشن عمران ریاض کے مطابق پولیس نے ایک کارروائی کے دوران ٹارگٹ کلر راشد عرف راجہ کو گرفتار کیا ہے جو پولیس اہلکار سمیت 12 افراد کے قتل میں ملوث ہے۔ ایس ایس پی کا کہنا تھا کہ ٹارگٹ کلر راشد نے گزشتہ روز پاور ہاؤس چورنگی کےقریب پولیس موبائل پر بھی فائرنگ کرکے اے ایس آئی کو قتل کیا تھا جبکہ ملزم نے قتل کی دیگر وارداتوں میں بھی ملوث ہونے کا اعتراف کیا ہے۔
پولیس کا کہنا ہے کہ ملزم نے اسلحہ برآمد کرلیا گیا ہے جبکہ اسے مزید تفتیش کے لیے نامعلوم مقام پر منتقل کردیا گیا ہے۔