وزیر اعظم نواز شریف سرکاری دورے پر برطانیہ پہنچ گئے

وزیراعظم نواز شریف کو دورے کی دعوت برطانوی ہم منصبت نے دی ہے فوٹو: فائل

---

وزیراعظم نواز شریف سرکاری دورے پر برطانیہ پہنچ گئے ہیں جہاں وہ افغانستان کے سلسلے میں بین الاقوامی کانفرنس میں شرکت کریں گے۔

دفترخارجہ کے مطابق وزیراعظم نواز شریف اپنے برطانوی ہم منصب ڈیوڈ کیمرون کی دعوت پر لندن پہنچے ہیں، اپنے دورے کے دوران وزیراعظم افغانستان کے سلسلے میں ہونے والی 2 روزہ بین الاقوامی کانفرنس میں شرکت کریں گے۔ اس کانفرنس کا اہتمام برطانیہ اور افغانستان نے مشترکہ طور پر کیا ہے۔

لندن میں قیام کے دوران وزیراعظم نوازشریف برطانوی قیادت اورعالمی بینک کے اعلیٰ حکام کے علاوہ امریکی وزیر خارجہ جان کیری سے بھی ملاقات کریں گے جس میں خطے کی صورتحال بالخصوص افغانستان کے معاملے پر تفصیلی تبادلہ خیال ہوگا۔