ویمنز ٹی 20 ورلڈ کپ پاکستان نے بھارت کو 1 رن سے شکست دےدی

بہترین پرفارمنس پر ثناء میر کو ویمن آف دی میچ قرار دیا گیا۔ فوٹو: اے ایف پی/فائل

---

ویمنز ٹی 20 ورلڈ کپ کے گیارہویں میچ میں پاکستان نے بھارت کو 1 رن سے شکست دیدی۔

پاکستانی کپتان ثناء میر نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 9 وکٹوں کے نقصان پر 98 رنز بنائے۔ پاکستان کی جانب سے کپتان ثناء میر 26 اور نین عابدی 25 رنز بناکر نمایاں رہیں۔ بھارت کی جانب سے جے گوسوامی ، آر کے پاروین اور اے پٹیل نے 2،2 وکٹیں حاصل کیں۔

بھارتی ٹیم 98 رنز کے تعاقب میں 20 اوورز میں 8 وکٹوں کے نقصان پر97 رنز بناسکی۔ بھارت کی جانب سے جے گوسوامی نے 21 اور پی جے راٹ نے 18 رنز اسکور کیے۔ پاکستان کی ندا ڈار نے 3، بسمہ ماروف نے 2 وکٹیں حاصل کیں جبکہ ثناء میر اور قنیطا جلیل ایک، ایک وکٹ لے پائیں۔

بہترین پرفارمنس پر ثناء میر کو ویمن آف دی میچ قرار دیا گیا۔