رینجرز کی کراچی میں کارروائی 4 دہشت گردوں اور ٹارگٹ کلر سمیت 8 ملزمان گرفتار

گرفتار دہشت گردوں کا تعلق کالعدم تنظیم سے ہے اوران کے قبضے سے اسلحہ اور دھماکا خیز مواد برآمد کیا گیا، ترجمان رینجرز، فوٹو: فائل

---

KARACHI: رینجرز نے شہر کے مختلف علاقوں میں کارروائی کرکے 4 دہشت گردوں اور ایک ٹارگٹ کلر سمیت 8 ملزمان کو گرفتار کرلیا۔

ترجمان رینجرز کے مطابق ایک کارروائی میں کالعدم تنظیم کے 4 دہشت گردوں کو گرفتار کیا گیا جن کے قبضے سے دھماکا خیز مواد، ڈیٹو نیٹر اور دیگر اسلحہ بھی برآمد کیا گیا، دوسری جانب رینجرز نے کورنگی میں کارروائی کرکے ایک ٹارگٹ کلر سمیت 4 ملزمان کو گرفتار کرلیا ترجمان کا کہنا تھا کہ ملزمان جرائم کی سنگین وارداتوں میں ملوث ہیں اور ان کے قبضے سے اسلحہ بھی برآمد کیا گیا۔