ہریتھک روشن کے ساتھ فلم میں کام کرنا میرا خواب ہے سوناکشی سنہا

میں ایسی فلمیں کرتی ہوں جو زیادہ سے زیادہ ناظرین تک پہنچے، سوناکشی سنہا فوٹو : فائل

---

KARACHI: بالی ووڈ کی دبنگ گرل سوناکشی سنہا کہتی ہیں کہ ان کی خواہش ہے کہ وہ ہریتھک روشن کے ساتھ کسی فلم میں کام کریں۔

سوناکشی سنہا چاہتی ہیں کہ وہ ایسی فلموں میں کام کریں جسے ناظرین کی بڑی تعداد دیکھے اور انہیں اس پر اپنی پسند و ناپسندیدگی کا اظہار کرے۔ گزشتہ فلموں میں ان کے کرداروں میں یکسانیت محض ایک اتفاق تھا لیکن اب انہوں نے عہد کررکھا ہے کہ وہ مختلف کردار بھی نبھائیں گی اور آئندہ برس ناظرین کو وہ مختلف انداز میں نظر آئیں گی۔

سوناکشی سنہا کا کہنا تھا کہ انہوں نے اپنے فلمی کیرئیر کے دوران جہاں سلمان خان، اجے دیوگن اور اکشے کمار کے ساتھ کام کیا وہیں وہ نوجوان ہیروز کے ساتھ بھی اداکاری کے جوہر دکھا چکی ہیں لیکن ان کا خواب ہے کہ وہ ہریتھک روشن کے ساتھ کام کریں کیونکہ ان کے ساتھ رقص کرنا انوکھا تجربہ ہوگا اور اگر یہ موقع مل گیا تو بڑی اسکرین میں رنگ جمانے کا لطف ہی دوسرا ہوگا۔