چیمپیئنز ٹرافی ہاکی میں انگلینڈ کے ہاتھوں پاکستان کو بدترین شکست کا سامنا

پاکستان کی جانب سے محمد ارسلان قادر اور عرفان نے گول کئے۔ فوٹو :فائل

---

بھارت میں جاری چیمپئنز ٹرافی ہاکی کے میچ میں انگلینڈ نے پاکستان کو 2 کے مقابلے میں 8 گول سے شکست دے دی ہے۔

بھارتی ریاست اڑیسہ کے دارالحکومت بھوبنیشور میں جاری چیمپئنز ٹرافی ہاکی کے میچ میں انگلینڈ نے یک طرفہ مقابلے کے بعد پاکستان کو2 کے مقابلے میں 8 گول سے شکست دے دی، پاکستان کی جانب سے محمد ارسلان قادر اور عرفان نے گول کئے۔

واضح رہے کہ گزشتہ روز چیمپیئنز ٹرافی ہاکی کے ابتدائی میچ میں بھی پاکستان کو بیلجیئم کے ہاتھوں ایک کے مقابلے میں 2 گول سے شکست کا سامنا کرنا پڑا تھا۔