کشمیر بھارت کا اٹوٹ انگ ہے ایس ایم کرشنا

ایس ایم کرشنا نے کہا کہ کشمیر میں ہونے والے انتخابات میں عوام اپنا حق رائے دہی استعمال کرتے ہیں جواس بات کا ثبوت ہے کہ وہ بھارت کے ساتھ رہنا چاہتے ہیں۔ فوٹو: رائٹرز

---

بھارتی وزیرخارجہ ایس ایم کرشنا نے ایک بار پھرکہا ہے کہ کشمیربھارت کا اٹوٹ انگ (لازمی حصہ) ہے۔

اقوام متحدہ کی جنرل اسمبلی سے خطاب کرتے ہوئے ایس ایم کرشنا نے کہا کہ کشمیر میں ہونے والے انتخابات میں عوام اپنا حق رائے دہی استعمال کرتے ہیں جواس بات کا ثبوت ہے کہ وہ بھارت کے ساتھ رہنا چاہتے ہیں۔

واضح رہے کہ گذشتہ ہفتے اقوام متحدہ کی جنرل اسمبلی سے خطاب کرتے ہوئے صدر آصف زرداری نے کہا تھا کہ پاکستان اور بھارت کے درمیان کشمیر ایک متنازعہ مسئلہ ہے اور اقوام متحدہ اس مسئلے کو حل کرنے میں ناکام رہا ہے۔