پاکستانی فنکاروں کابھارتی تھیٹرآبادکرنے میں اہم کردارہے نوجوت سدھو

بھارتی عوام پاکستانی فنکاروں کوکھلے دل سے خوش آمدیدکہتے اورانکے کام کوپسندکرتے ہیں، نوجوت سدھو

Umair Ali Anjum December 10, 2014

پاکستان میں کوئی اچھا کامیڈی پروگرام تشکیل دیا گیا تو ضرور آونگا مجھے خوشی ہو گی،نوجوت سدھو فوٹو:اے ایف پی /فائل

بھارتی نجی ٹی وی کے پروگرام کامیڈی نائٹ کے میزبان اورسابق کرکٹرنوجوت سدھونے کہاہے کہ پاکستانی فنکاروں نے انڈیاکے تھیٹرکوآبادکرنے میں بہت اہم کرداراداکیاہے ۔

اکثر پاکستانی اداکارعمرشریف کے کھیل دیکھتے ہیں اورانجوائے کرتے ہیں ان خیالات کااظہارانھوں نے ''ایکسپریس '' سے بات چیت کے دوران کیاانکاکہناتھاکہ پاکستانی اداکار علی حسن عرفان ملک،شکیل صدیقی سمیت کئی اداکارہمارے ہاں پرفارم کرچکے ہیں ۔

ہمارے عوام پاکستان سے آنے والے فنکاروں کوکھلے دل سے خوش آمدیدکہتے ہیں اورانکے کام کوپسندکرتے ہیں ایک سوال کے جواب میں نوجوت سدھو کا کہنا تھاکہ اگرپاکستان میں کوئی اچھا کامیڈی پروگرام تشکیل دیا گیا تو ضرور آونگا مجھے خوشی ہو گی اور ویسے بھی پاکستان آئے بہت عرصے ہوا اکثر پاکستان یاد آتا ہے وسیم اکرم، وقار یونس، اعجاز احمد، سلیم ملک، جاوید میانداد، رمیز راجہ میرے اچھے دوستوں میں ہیں ۔