پی ٹی سی ایل فریضہ حج کی ادائیگی کے لیے جانیوالوں کیلیے تقریب کا اہتمام

پی ٹی سی ایل سینئر ایگزیکٹو وائس پریذیڈنٹ (ایچ آر) سید مظہر حسین نے کہا کہ پی ٹی سی ایل اپنے ورکرز کو قیمتی اثاثہ سمجھتا ہے۔ فوٹو: فائل

---

پاکستان ٹیلی کمیونیکیشن کمپنی لمیٹڈ (پی ٹی سی ایل) نے ایمپلائز ویلفیئر اسکیم کے تحت فریضہ حج کی ادائیگی کیلیے جانیوالوں کیلیے تقریب کا اہتمام کیا۔

تقریب مقامی ہوٹل میں منعقد کی گئی، اس تقریب میں پی ٹی سی ایل کے اعلیٰ حکام اور ملازمین نے شرکت کی، اس موقع پر اظہار خیال کرتے ہوئے پی ٹی سی ایل سینئر ایگزیکٹو وائس پریذیڈنٹ (ایچ آر) سید مظہر حسین نے کہا کہ پی ٹی سی ایل اپنے ورکرز کو قیمتی اثاثہ سمجھتی ہے اور انھیں بہترین کارکردگی کی بنیاد پر غیر معمولی انعامات و نوازشات سے نواز کر ان کی حوصلہ افزائی کرتی ہے۔

تاکہ ادارے میں کارکردگی میں اضافہ کرنے اور کارہائے نمایاں سر انجام دینے میں دیگر ملازمین کو بھی ترغیب ملے، حج پر جانے والے پی ٹی سی ایل ملازمین نے انتظامیہ کا شکریہ ادا کیا۔