میرے اور رانا ثناءاللہ کےدرمیان بداعتمادی پیدا کرنے کی کوشش کی جارہی ہے رانا مشہود

مسلم لیگ(ن) اپنے لیڈر کے خلاف گالی برداشت نہیں کرسکتی، رانا مشہود فوٹو: فائل

---

وزیرکھیل پنجاب صوبائی رانا مشہود کہتے ہیں کہ ان کے فون سے کوئی غلط کال نہیں کی گئی درحقیقت ان کے اور رانا ثناءاللہ کے درمیان بداعتمادی پیدا کرنے کی کوشش کی جارہی ہے۔

لاہور میں میڈیا سے بات کرتے ہوئے صوبائی وزیر کا کہنا تھا کہ مسلم لیگ (ن) کے کارکن اپنے لیڈر کے خلاف گالی برداشت نہیں کرسکتے، 15 دسمبر کو لاہور میں کاروبار زندگی بحال رہیں گے، جس طرح عمران خان فیصل آباد میں ناکام ہوئےاسی طرح 15 دسمبر کو لاہور میں بھی ناکام ہوں گے۔

رانا مشہود کا کہنا تھا کہ ان کے اور رانا ثناءاللہ کے درمیان بداعتمادی پیدا کرنے کی کوشش کی جارہی ہے، ان کے فون سے کوئی غلط کال نہیں کی گئی، صورت حال کو واضح کرنے کے لئے وہ اپنے فون کا ریکارڈ پیش کررہے ہیں۔