یوٹیلٹی اسٹورزپررمضان ریلیف پیکیج کااعلان 15جولائی کوہوگا

وزیر اعظم راجاپرویز اشرف یانائب وزیراعظم چوہدری پرویزالٰہی15 جولائی کوڈھائی ارب روپے مالیت کے رمضان ریلیف پیکیج کا اعلان کرینگے۔اس ضمن میں یویٹلٹی اسٹورز کارپوریشن نے رمضان ریلیف پیکیج 2012کوحتمی شکل دیدی ہے جس کے تحت یوٹیلٹی اسٹورز کارپوریشن ملک بھرمیں قائم5ہزار711 اسٹورزپرگھی،آٹا،دالوں،چائے،مشروبات اورمصالحہ جات سمیت روز مرہ استعمال کی16اشیائے خورونوش کی قیمتوں میں15روپے فی کلوتک کی کمی کی جائے گی جبکہ مجموعی طور پرایک ہزار سے زائداشیاکی قیمتوں پررعایت دی جائیگی اوراس پر2ارب 50کروڑ روپے کی سبسڈی دی جائیگی۔


ایکسپریس کوبتایاگیاہے کہ یوٹیلٹی اسٹورزکارپوریشن نے رمضان پیکیج کوحتمی شکل دیدی ہے جس کے تحت عوام الناس کوگھی اورخوردنی تیل پر15روپے فی کلو/لیٹر ،آٹا 7روپے فی کلواورتمام دالیں 15 روپے فی کلو،مشروبات اورمصالحہ جات مارکیٹ سے10فیصدکم نرخ پرفراہم کیے جائیںگے،یوٹیلٹی اسٹورزکارپویشن کے ترجمان کی مطابق رمضان میں تمام اشیاء ضروریہ کی وافرمقدار میں دستیابی کویقینی بنایاجائے گااور کارپوریشن کے تمام اسٹورز پرآٹا،چینی،گھی،دالیں چاول،کھجور،مشروبات اور مصالحہ جات کورمضان پیکیج کاحصہ بنایا گیاہے اورصارفین کی سہولت کیلیے یوٹیلٹی اسٹوررمضان المبارک کے دوران اتوارکوبھی کھلے رہیںگے۔