نوشہرہ میں دریائے کابل کے کنارے سے 6 افراد کی لاشیں برآمد

ضابطے کی کارروائی کے لئے لاشوں کو ڈسٹرکٹ اسپتال نوشہرہ منتقل کردیا گیا ہے فوٹو: فائل

---

دریائے کابل کے کنارے 6 نامعلوم افراد کی لاشیں ملیں ہیں جنہیں فائرنگ کرکے ہلاک کیا گیا ہے۔

ایکسپرس نیوز کے مطابق نوشہرہ میں نظام پور کے علاقے درواز گئی میں دریائے کابل کے کنارے سے 6 افراد کی لاشیں ملی ہیں جنہیں قریب سے فائرنگ کرکے ہلاک کیا گیا ہے۔ ضابطے کی کارروائی کے لئے لاشوں کو ڈسٹرکٹ اسپتال نوشہرہ منتقل کردیا گیا ہے۔

پولیس کا کہنا ہے کہ تمام افراد کی عمر 30 سے 35 برس کے درمیان ہیں اور مقتولین میں سے اب تک کسی کی شناخت نہیں ہوسکی۔