امریکی ریاست پینسلوانیا میں مسلح شخص کی فائرنگ سے 5 افراد ہلاک

مسلح شخص فائرنگ کے بعد علاقے میں روپوش ہوگیا جس کی تلاش کے لئے سرچ آپریشن شروع کردیا گیا ہے،پولیس فوٹو : فائل

---

امریکی ریاست پینسلوانیا میں مسلح شخص کی فائرنگ کے نتیجے میں 5 افراد ہلاک ہوگئے۔

سیکیورٹی حکام کے مطابق فائرنگ کے واقعات فلا ڈیلفیا کی منٹگومیری کاؤنٹی میں 3 مختلف مقامات پر پیش آئے جہاں مسلح شخص نے خاندانی تنازع پر فائرنگ کرکے اپنی سابقہ بیوی اور اس کے خاندان کے دیگر4 افراد کو قتل کردیا۔ پولیس کا کہنا تھا کہ مسلح شخص فائرنگ کے بعد علاقے میں روپوش ہوگیا جس کی تلاش کے لئے سرچ آپریشن شروع کردیا گیا ہے اورامید ہے کہ ملزم کو جلد گرفتار کرلیا جائے گا۔