بنگلہ دیش کے جنوب مشرقی شہرکاکسس بازاراوراس کے آس پاس کے علاقے میں بدھوں کے خلاف ہنگاموں کے بعد علاقے میں فوج تعینات کردی گئی ہے۔

ہفتہ کی شب شروع ہونے والے ہنگاموں میں ہجوم نے کم ازکم چھ مندرجلاڈالے تھے،بدھاکے بت توڑ دیئے گئے۔ ہنگامے اس وقت شروع ہوئے جب کسی نے فیس بک پرقرآن پاک کے خلاف توہین آمیزموادرکھ دیا،مسلمانوں کوشبہ تھا کہ کسی بدھ نے یہ حرکت کی ہے۔ہنگاموں سے پانچ شہراوردرجن کے قریب نواحی دیہات متاثرہوئے۔پولیس کے مطابق 25 افرادکوگرفتارکرلیاگیاہے۔