آرمی چیف دہشت گردوں کے خلاف جاری آپریشن کا جائزہ لینے خیبرایجنسی پہنچ گئے
آرمی چیف خیبرایجنسی میں دہشت گردوں کے خلاف جاری زمینی کارروائی کا جائزہ اور جوانوں سے ملاقات کریں گے۔
آرمی چیف خیبرایجنسی میں دہشت گردوں کے خلاف جاری زمینی کارروائی کا جائزہ اور جوانوں سے ملاقات کریں گے۔ فوٹو: فائل
پاک فوج کے سربراہ جنرل راحیل شریف دہشت گردوں کے خلاف جاری آپریشن کا جائزہ لینے خیبرایجنسی پہنچ گئے۔
ایکسپریس نیوز کے مطابق آرمی چیف جنرل راحیل شریف جی ایچ کیو میں وزیراعظم کی زیرصدارت 4 گھنٹے سے زائد تک جاری رہنے والے اعلیٰ سطح کے اجلاس کے بعد خیبرایجنسی روانہ ہوئے جہاں وہ اگلے مورچوں پر تعینات جوانوں سے ملاقات کریں گے۔ سربراہ پاک فوج دہشت گردوں کی سرکوبی کے لئے خیبرایجنسی میں جاری زمینی کارروائی کا بھی جائزہ لیں گے۔
واضح رہے کہ وزیراعظم نواز شریف کی زیر صدارت جی ایچ کیو میں آج ہونے والے اعلی سطح کے اجلاس میں سول و عسکری قیادت نے دہشت گردوں کے خلاف مؤثر کارروائی کا فیصلہ کیا۔