عامر خان کا ’’پی کے‘‘ کے سیکویل میں بھی کام کرنے کی خواہش کا اظہار

بالی ووڈ کے مسٹر پرفیکٹ عامر خان کا کہنا ہے کہ اگر فلم ''پی کے'' کا سیکوئل بنا تو وہ اس کا بھی حصہ بننا چاہیں گے۔


بھارتی میڈیا کو دیئے گئے انٹرویو میں عامر خان کا کہنا تھا کہ ''پی کے'' میں ناظرین کو یہ پیغام دیا گیا ہے کہ انسانیت ہی سب سے بڑی چیز ہوتی ہے اور وہ عوام کی جانب سے ''پی کے'' کی پزیرائی پر وہ بہت خوش ہیں۔ ان کا کہنا تھا کہ ''پی کے'' کے اختتام پر انہیں رنبیر کپور کے ساتھ دکھایا گیا ہے شاید اس کا مقصد فلم کے سیکوئل کی تیاری ہو لیکن اس بارے میں وہ نہیں جانتے کہ ان کی فلم کا سیکوئل بنتا ہے یا نہیں، اگر ''پی کے'' کا سیکیوئل بنا تو ان کی خواہش ہوگی کی وہ اس میں بھی کردار ادا کریں۔

واضح رہے کہ ''پی کے'' جمعہ کو بھارت سمیت دنیا بھر میں ریلیز ہوئی تھی اور یہ فلم صرف بھارت میں اب تک 100 کروڑ روپے سے زائد کا بزنس کرچکی ہے۔