وزیراعظم نواز شریف کی اچھی صحت کی دعا کرتا ہوں، نریندر مودی. فوٹو:فائل
KARACHI:
وزیراعظم نواز شریف کی 65 ویں سالگرہ کے موقع پر بھارتی ہم منصب نریندر مودی نے انہیں مبارکباد پیش کی ہے۔
ایکسپریس نیوز کے مطابق بھارتی وزیراعظم نریندر مودی نے اپنے پیغام میں وزیراعظم نواز شریف کی سالگرہ کے موقع پر نیک خواہشات کا اظہار کیا اور انہیں مبارکباد پیش کی۔ نریندر مودی نے کہا کہ وزیراعظم نواز شریف کی اچھی صحت کی دعا کرتا ہوں۔
واضح رہے کہ وزیراعظم نواز شریف اور بھارتی ہم منصب نریندر مودی کے درمیان تحائف سے شروع ہونے والے تعلقات اب بھی نیک خواہشات اور نیک تمناؤں تک برقرار ہیں جب کہ حال ہی میں کھٹمنڈو میں ہونے والی سارک سربراہ کانفرنس میں بھی دونوں وزرائے اعظم کے درمیان ملاقات صرف ایک دوسرے کی خیریت دریافت کرنے تک رہی۔