اسپيكر سندھ اسمبلی نثار كھوڑو نے كہا ہے كہ اگر كسی كو بلدیاتی نظام کے بل پر اعتراضات تھے تو انہيں اسمبلی ميں ترميمی درخواست جمع كرانی چاہئے تھی۔
سندھ اسمبلی كے كميٹی روم ميں پريس كانفرنس سے خطاب کرتے ہوئے نثار كھوڑو نے کہا كہ وہ كسی وزير كو مخالف بينچوں پر بيٹھنے كی اجازت نہيں دے سكتے اس سے اسمبلی قواعد كی خلاف ورزی ہوگی اور ان كے استعفے ابھی تک منظور نہيں ہوئے لہذا انہيں اپوزيشن نشستيں بھی الاٹ نہيں كی جاسكتيں۔
نثار كھوڑو نے کہا کہ سندھ كے اصل غدار جلال محمود شاہ ہيں، جس بل كے حوالے سے جلال محمود شاہ و ديگر انہيں غدار ی کا طعنہ دے رہے ہيں وہ لوگ پرويز مشرف كے دور ميں ناظمين كے اليكشن لڑرہے تھے۔انہوں نے مزید کہا کہ جلال محمود شاہ نے نواز شريف كی حكومت ميں كالا باغ ڈيم كی بھی حمايت کی تھی۔
نثار كھوڑو نے كہا كہ اگر كسی كو بلدياتی نظام كے بل پر اعتراض ہے تو وہ اليكشن كا بائيكاٹ كر كے دكھائيں کیونکہ احتجاج بھی جمہوری طريقے سے ہی ہونا چاہيے۔