روس کے وزیر خارجہ دو روزہ دورے پر بدھ کو اسلام آباد پہنچیں گے

روسی وزیر خارجہ دورے کے دوران صدرآصف زرداری اور وزیر اعظم راجہ پرویز اشرف سے بھی ملاقات کریں گے. فوٹو فائل

---

روس کے وزیر خارجہ سرجے وکٹوریچ دو روزہ دورے پر بدھ کو اسلام آباد پہنچیں گے۔

دفترخارجہ کے ترجمان کے مطابق روسی وزیرخارجہ سرجے وکٹوریج وزیر خارجہ حناربانی کھر سے ملاقات میں دونوں ممالک کے درمیان مختلف شعبوں میں تعاون اور دوطرفہ امور پر بات چیت کریں گے۔

روسی وزیر خارجہ دورے کے دوران صدرآصف زرداری اور وزیر اعظم راجہ پرویز اشرف سے بھی ملاقات کریں گےجس میں خطے میں امن وامان کی صورتحال اور دونوں ممالک کے درمیان تجارت کے فروغ کے امورپرتبادلہ خیال کیا جائے گا۔