کراچی کے مختلف علاقوں میں پولیس کا ٹٓارگٹڈ آپریشن 30 سے زائد ملزمان گرفتار

ملزمان جرائم کی وارداتوں میں ملوث ہیں، پولیس، فوٹو؛فائل

---

پولیس نے شہر کے مختلف علاقوں میں ٹارگٹڈ آپریشن کرکے کالعدم تنظیم کے رکن اور غیر ملکیوں سمیت 30 سے زائد ملزمان کو گرفتار کرلیا۔

ایس پی بلدیہ ٹاؤن کے مطابق شہر کے مختلف علاقوں اتحاد ٹاؤن، سعید آباد، مدینہ کالونی میں ملزمان کی اطلاع کی موجودگی پر ٹارگٹڈ آپریشن کیا گیا جس میں 30 سے زائد ملزمان کو گرفتار کیا گیا ہے جبکہ ملزمان میں غیر ملکیوں سمیت ایک کالعدم تنظیم کا رکن بھی شامل ہے۔ ایس پی بلدیہ کا کہنا تھا کہ ملزمان جرائم کی وارداتوں میں ملوث ہیں اور ان کے قبضے سے اسلحہ اور دیگر سامان برآمد کیا گیا ہے۔