اسلام آباد ایرپورٹ پر منشیات کی اسمگلنگ کی کوشش ناکام بنادی گئی افریقی باشندہ گرفتار

ملزم نے ہیروئن سے بھرے 18 کیپسول نگل رکھے تھے، فوٹو: فائل

---

اینٹی نارکوٹکس فورس نے بے نظیر انٹر نیشنل ایرپورٹ سے منشیات اسمگل کرنے کی کوشش ناکام بناتے ہوئے افریقی باشندے کو گرفتار کرلیا ۔

ایکسپریس نیوز کے مطابق اسلام آباد کے بے نظیر انٹر نیشنل ایرپورٹ پر نجی ایرلائن سے براستہ دوحہ جنوبی افریقا جانے والے ایک نائجرین باشندے سے تفتیش کے دوران معلوم ہوا کہ اس نے منشیات سے بھرے کیپسول نگل رکھے ہیں، حکام نے افریقی شہری کے پیٹ سے 18 کیپسول اگلوا لئے جن میں ہیروئن بھری ہوئی تھی۔

ایرپورٹ حکام نے ملزم کو اینٹی نارکوٹکس فورس کے حوالے کردیا ہے جس نے ملزم سے تفتیش شروع کردی ہے۔