زیبا بختیار عرصہ بعد ٹی وی ڈرامہ میں کام کریں گی

پروڈکشن اور گھریلو مصروفیات کی وجہ سے اداکاری کیلیے وقت نکالنا کافی مشکل ہوگیا ہے، زیبا بختیار فوٹو: فائل

---

لاہور: سنیئر اداکارہ زیبا بختیار ایک عرصہ بعد ٹی وی ڈرامہ میں کام کر رہی ہیں۔

تفصیل کے مطابق بالی ووڈ فلم ''حنا'' سے راتوں رات سپرسٹار بننے والی اداکارہ زیبا بختیار نے متعدد ٹی وی ڈرامہ سیریلز اور فلموں میں کام کرنے کے بعد بطور پروڈیوسر وہدایتکارہ پروڈکشن کی طرف آگئیں۔ سال رواں میں ان کی بطور پروڈیوسر فلم '' آپریشن 021'' ریلیز ہوئی مگر ان کا ایک نجی چینل سے بطور اداکارہ ٹی وی ڈرامہ سیریل آن ائیر ہوا ہے۔ اس حوالے سے اداکارہ کا کہنا ہے کہ پروڈکشن اور گھریلو مصروفیات کی وجہ سے اداکاری کیلیے وقت نکالنا کافی مشکل ہوگیا ہے۔