پاکستان کی انٹیلی جنس ایجنسی نے فلم ’’پی کے‘‘ کو فنڈ فراہم کئے بھارتی سیاستدان کا الزام

ہندوانتہا پسند فلم کو سینماؤں سے ہٹانے کیلئے شدید احتجاج کررہے ہیں۔ فوٹو : فائل

---

بھارت کے انتہا پسند سیاست دانوں کو عامر خان کی فلم "پی کے" کی مقبولیت ہضم نہ ہوسکی اور الزام لگا ڈالا کہ فلم کو پاکستانی انٹیلی جنس ادارے کی جانب سے فنڈ فراہم کئے گئے۔

توہم پرستی کے موضوع پر بننے والی فلم "پی کے" نے جہاں بالی ووڈ باکس آفس پر تہلکہ مچا رکھا ہے وہیں بھارتی حکمراں جماعت کے رہنما سبرامنیم سوامی نے الزام عائد کیا ہے کہ فلم بنانے کے لئے پاکستانی انٹیلی جنس ادارے اور انڈرورلڈ کی جانب سے فنڈ فراہم کئے گئے ہیں تاہم انہوں نے اپنے الزام میں یہ بات واضح نہیں کی کہ فلم کو فنڈ فراہم کرنے کے پیچھے کیا مقاصد ہیں۔

Who financed the PK film? According to my sources it is traceable to Dubai and ISI. DRI must investigate

— Subramanian Swamy (@Swamy39) December 29, 2014

واضح رہے کہ فلم "پی کے" پہلا پوسٹر منظر عام پر آنے کے بعد سے ہی تنازعات کا شکار رہی جب کہ فلم ریلیز ہونے کے بعد ہندو انتہا پسندوں کی جانب سے فلم کے خلاف شدید احتجاج اور سنیماؤں سے ہٹانے کا بھی مطالبہ کیا جارہا ہے۔