ویمنز فٹبال ینگ رائزنگ نے ایچ ای سی کو شکست دیدی

KABUL:
قومی خواتین فٹبال چیمپئن شپ میں ینگ رائزنگ، اسلام آباد، آرمی اور ایل ایس سی نے اپنے میچز جیت لیے۔


موصولہ اطلاعات کے مطابق جناح اسٹیڈیم اسلام آباد میں ینگ رائزنگ نے ایچ ای سی کے خلاف4-0 سے کامیابی حاصل کی، ندا ہاشم نے2 گول کیے، اسلام آباد نے کے پی کے کو ایک کے مقابلے میں 10 گول سے زیر کیا،ابیحہ نے4گول کیے۔آرمی نے سندھ کو 7-0 سے شکست دی،روشنان علی نے 3 گول کیے۔

آرمی کی روشنان علی اور سندہ کی کنزہ کو میچ کے بالترتیب 52اور 43 ویں منٹ میں یلو کارڈز دکھائے گئے،ایل ایس سی نے اے جے کے کو2-1سے ہرا دیا،بتول اور رائینا نے بالترتیب 12اور 41 ویں منٹ میں گول کیے جبکہ ناکام سائیڈ کا گول فصیلہ نے 53 ویں منٹ میں بنایا۔