جموں و کشمیر بھارت کا اٹوٹ انگ ہے نہ کبھی رہا پاکستان

پاکستان نے اقوام متحدہ میں بھارت کے اس دعوے کوپھر مسترد کر دیا ہے کہ جموں وکشمیر بھارت کا اٹوٹ انگ ہے۔


پاکستان کے نائب مستقل نمائندے رضا بشیر تارڑ نے جنرل اسمبلی میں کہا کہ یہ بالکل واضح ہے کہ جموں وکشمیر بھارت کا اٹوٹ انگ ہے نہ کبھی رہا ہے۔صدر زرداری کی تقریر میں جموں وکشمیر تنازع کا حوالہ بلاجواز نہیں تھا،جیسا بھارتی وزیر خارجہ ایس ایم کرشنا نے اپنے بیان میں کہا تھا۔صدر زرداری نے جنرل اسمبلی میں اعادہ کیا کہ پاکستان سلامتی کونسل کی قراردادوں کے مطابق کشمیری عوام کے حق کی حمایت جاری رکھے گا۔

رضا بشیر نے ان کی تقریر کا دفاع کرتے ہوئے کہا کہ تنازع جموں وکشمیر کا حوالہ ''بلا جواز'' نہیں تھا۔''میں یہ بھی واضح کردیناچاہتا ہوںکہ جموں وکشمیرناتوکْلی طور پر بھارت کاحصہ ہے اورنہ کبھی رہاہے۔''پاکستانی مندوب نے کہا کہ سلامتی کونسل کی قراردادوں میںجموں وکشمیر کومتنازع علاقہ قراردیاجاچکاہے اوردونوں ممالک نے اس پر اتفاق کیاتھا کہ جموں وکشمیر دونوں ملکوں کے درمیان تنازع کا سبب ہے۔