چیف آف آرمی اسٹاف جنرل راحیل شریف صوبائی اپیکس کمیٹی کے اجلاس میں شرکت کے لیے پشاور پہنچ گئے ہیں۔

ترجمان پاک فوج کے مطابق آرمی چیف جنرل راحیل شریف پشاور کی اپیکس کمیٹی کے اجلاس میں شرکت کریں گے جس میں صوبے کے وزیراعلیٰ پرویز خٹک اور گورنر مہتاب عباسی شریک ہوں گے جبکہ اجلاس میں ڈائریکٹر جنرل آئی ایس آئی رضوان اختر اور کورکمانڈر پشاور بھی شرکت کریں گے۔

ترجمان کا کہنا تھا کہ اپیکس کے اجلاس میں قومی ایکشن پلان اور دیگر اہم معاملات پر غور کیا جائے گا جبکہ صوبے میں امن وامان سے متعلق بھی اہم امور زیر غور آئیں گے۔