ورلڈ کپ سے قبل قومی ٹیم کا 5 روزہ تربیتی کیمپ لاہور میں لگے لگا

ورلڈ کپ سے قبل قومی ٹیم کی تربیت کے لئے کیمپ 13 جنوری سے 17 جنوری تک لاہور میں لگایا جائے گا۔

ایکسپریس نیوز کے مطابق قومی ٹیم ورلڈ کپ میں شرکت کے لئے 21 جنوری کو براستہ دبئی نیوزی لینڈ جائے گی تاہم اس سے قبل قومی ٹیم کی تربیت کے لئے لاہور میں پانچ روزہ تربیتی کیمپ 13 جنوری سے 17 جنوری تک لگایا جائے گا جس میں ورلڈ کپ اسکواڈ کے لئے منتخب کئے گئے 15 کھلاڑی پریکٹس کریں گے۔ ورلڈ کپ سے قبل پاکستان نیوزی لینڈ کی نیوزی لینڈ میں ہی میزبانی بھی کرے گا اور 31 جنوری اور 3 فروری کو دونوں ٹیموں کے درمیان ایک روزہ میچز کھیلے جائیں گے۔

14 فروری سے شروع ہونے والے میگا ایونٹ میں قومی ٹیم 6 میچز کھیلے گی جب کہ گرین شرٹس 15 فروری کو روایتی حریف بھارت کے مدمقابل ہوگی، 21 فروری کو قومی ٹیم ویسٹ انڈیز کے خلاف دوسرے میچ میں آمنے سامنے ہوگی، اسی طرح یکم مارچ کو زمبابوے، 4 مارچ کو متحدہ عرب امارات، 7 مارچ کو جنوبی افریقا اور 15 مارچ کو آئرلینڈ سے مقابلہ ہوگا جب کہ ایونٹ کا فائنل 29 مارچ کو میلبرن کرکٹ گراؤنڈ میں کھیلا جائے گا۔