انشا جی اٹھو اب کوچ کرو

اب کوئی آئے تو تُو کہنا کہ مسافر تو گیا
یہ بھی کہنا کہ بھلا اب بھی نہ جاتا لوگو
راہ تکتے ہوئے پتھرا سی گئی تھیں آنکھیں
آہ بھرتے ہوئے چھلنی ہوا سینہ لوگو
ہونٹ جلتے تھے جو لیتا تھا کبھی آپ کا نام
اسی طرح اور کسی کو نہ ستانا لوگو!

''ممتاز ادیب اور شاعر ابن انشا مرحوم کی میت لندن سے کراچی لانے والے پی آئی اے کے طیارے کے مسافروں نے بتایا کہ دوران سفر طیارے کے پبلک ایڈریس سسٹم پر مرحوم کی مشہور غزل ''انشا جی اٹھو اب کوچ کرو، اس شہر میں جی کو لگانا کیا۔'' کئی بار سنوائی گئی جو نہایت اثر انگیز انداز سے استاد امانت علی مرحوم نے ریکارڈ کروائی تھی غزل سن کر اکثر مسافروں پر رقت طاری ہوگئی جبکہ بعض مسافروں پر روتے روتے ہچکیاں بندھ گئیں۔''

چاند بھی سورج کتاں صد چاک
چاندنی بھی فسو وہ غمناک
جی میں آتی ہے لوٹیے سر خاک

یہ کس نے کہا تم کوچ کرو، باتیں نہ بناؤ انشا جی
یہ شہر تمہارا اپنا ہے، اسے چھوڑ نہ جاؤ انشا جی
جتنے بھی یہاں کے باسی ہیں، سب کے سب تم سے پیار کریں
کیا ان سے بھی منہ پھیرو گے،یہ ظلم نہ ڈھاؤ انشا جی

تم لوگوں نے چاند بجھا ڈالا، شب ماہ کا لطف گنوا ڈالا
اب لاکھ چراغ جلاتے پھرو، ہر راستے پر ہر روزن میں

کل چودھویں کا چاند تھا شب بھر رہا چرچا تیرا
کچھ نے کہا یہ چاند ہے کچھ نے کہا چہرہ ترا

دل درد کی شدت سے خوں گشتہ و سی پارہ
اس شہر میں پھرتا تھا اک وحشی و آوارہ
شاعر ہے کہ عاشق ہے جوگی ہے کہ بنجارہ
دروازہ کھلا رکھنا۔

اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 800 الفاظ پر مشتمل تحریر اپنی تصویر، مکمل نام، فون نمبر ، فیس بک اور ٹویٹر آئی ڈیز اوراپنے مختصر مگر جامع تعارف کے ساتھ [email protected] پر ای میل کریں۔ بلاگ کے ساتھ تصاویر اورویڈیو لنکس بھی بھیجے جا سکتے ہیں۔