سرلی سیکٹر کے قریب مسافر جیپ کھائی میں گرنے سے 4افراد جاں بحق جبکہ 4 زخمی ہوگئے ہیں۔

ایکسپریس نیوز کے مطابق سرلی سیکٹر سے مظفر آباد آنے والی مسافر جیپ تیز رفتاری کے باعث بے قابو ہوکر کھائی میں جاگری۔ حادثے کے نتیجے میں 4 افراد موقع پر ہی جاں بحق جبکہ 4 زخمی ہوگئے۔ واقعے کی اطلاع ملنے پر مقامی افراد نے اپنی مدد آپ کے تحت لاشوں اور زخمیوں کو کھائی سے نکال کر قریبی اسپتال منتقل کردیا جہاں زخمیوں کو طبی امداد فراہم کی جارہی ہے۔