پاکستان عوامی تحریک کا سانحہ ماڈل ٹاؤن میں انصاف نہ ملنے پر ملک گیر احتجاج کا اعلان

شہدا کے خون کا حساب اور انصاف کے لئے ہر حد تک جائیں گے، صدر پاکستان عوامی تحریک فوٹو: فائل

---

پاکستان عوامی تحریک نے سانحہ ماڈل ٹاؤن کے ذمہ داروں کے تعین اور مقتولین کے لواحقین کو انصاف نہ ملنے پر ملک بھر میں احتجاجی تحریک چلانے کا اعلان کردیا ہے۔

پاکستان عوامی تحریک کے صدر ڈاکٹر رحیق عباسی کے مطابق سانحہ ماڈل ٹاؤن کے شہدا کے خون کا حساب اور انصاف کے لئے ہر حد تک جائیں گے، اس سلسلے میں حکومت کے خلاف پہلا احتجاج 17 جنوری کو لاہور میں کیا جائے گا جس کے بعد واقعے کے ذمہ داروں کی تعیناتی کے خلاف دستخطی مہم شروع کی جائے گی۔

واضح رہے کہ انتخابی دھاندلی کے خلاف تحریک انصاف بھی 18 جنوری سے ملک بھر میں دھرنا ورکرز کنونشنز منعقد کرے گی اور یکم فروری کو کراچی، 8 کو لاہور اور 15 فروری کو پشاور میں کنونشنز منعقد کئے جائیں گے۔