کراچی اسٹاک ایکس چینج تاریخ کی بلند ترین سطح پر پہنچ گئی

آج کاروبار کا آغاز ہوا تو ابتدا سے ہی مارکیٹ میں تیزی دیکھنے میں آئی جو دن کے اختتام تک جاری رہی۔ فوٹو: آن لائن/فائل

---

اسٹاک ایکس چینج 179 پوائنٹس اضافے کے ساتھ ملکی تاریخ کی بلند ترین سطح پر پہنچ کر بند ہو گئی۔

کراچی اسٹاک ایکس چینج میں آج جب کاروبار کا آغاز ہوا تو ابتدا سے ہی مارکیٹ میں تیزی دیکھنے میں آئی جو دن کے اختتام تک جاری رہی، آج 100 انڈیکس ملکی تاریخ کی بلند ترین سطح پر پہنچ کر 179 پوائنٹس اضافے کے بعد 33 ہزار 766 پوائنٹس پر پہنچ کر بند ہوا۔

واضح رہے کہ حکومت کی جانب سے معاشی پالیسیوں پر خصوصی توجہ کے باعث گزشتہ کئی ماہ سے کراچی اسٹاک ایکس چینج میں مسلسل اضافے کا رجحان دیکھنے میں آ رہا ہے۔