فرانس میں پوسٹ آفس پر قبضہ کرنے والا مسلح شخص گرفتار یرغمالی بازیاب

پولیس نے عمارت کو گھیرے میں لے کر کارروائی کرتے ہوئے یرغمالیوں کو بحفاظت بازیاب کرالیا۔ فوٹو اے ایف پی

---

فرانس میں پولیس نے کارروائی کرتے ہوئے پوسٹ آفس پر قبضہ کرنے والے مسلح شخص کو گرفتار کر کے یرغمال بنائے گئے دونوں افراد کو بحفاظت بازیاب کرا لیا ہے۔

فرانسیسی خبر رساں ادارے کے مطابق دارالحکومت پیرس کے شمال مشرق میں واقع کولمبس ٹاؤن کے پوسٹ آفس میں اچانک مسلح شخص داخل ہوا اور اس نے وہاں موجود لوگوں کو یرغمال بنا لیا تاہم کچھ لوگ نکل جانے میں کامیاب ہوگئے جب کہ دو افراد کو مسلح شخص نے یرغمال بنالیا جس پر پولیس نے عمارت کو گھیرے میں لے کر یرغمال بنائے گئے افراد کی رہائی کی کارروائی شروع کرکے مسلح شخص کو گرفتار کرلیا جب کہ یرغمال بنائے گئے دونوں افراد کو بھی بحفاظت بازیاب کرلیا گیا تاہم پولیس نے واقعے کی مزید تفصیلات ابھی جاری نہیں کیں۔